Il carnet da lavur cun ses numerus maletgs d'eveniments reals e las illustraziuns en colur porschan in simpel access als temas aura, privels da la natira e clima.

Il carnet tracta las suandantas tematicas:

• Ils elements da l'aura: temperatura, vent, nivels, precipitaziuns, pressiun da l'aria
• Las situaziuns da l'aura: pressiun auta, vent dal vest, favugn, bisa, etc.
• Las prognosas da l'aura
• Ils privels meteorologics da la natira: stemprads, granella e chametgs
• Ils privels gravitativs da la natira: privels d'aua, bovas, sbuvadas, lavinas e crudadas da crappa
• Ils connexs tranter l'aura ed ils privels da la natira
• Il clima e la midada dal clima
  
  

Per pudair lavurar optimalmain cun las materialias èsi bun, sche mintga scolara e mintga scolar ha in agen carnet da lavur. Nus recumandain d'empustar sper il carnet da lavur er il carnet accumpagnant per las persunas d'instrucziun.